Skip to Main Content
Auckland Transport

Te huarahi tono i tetahi Kari Panuku Marika a-AT HOP Te huarahi tono i tetahi Kari Panuku Marika a-AT HOP

Te huarahi tono i tētahi Kāri Panuku Mārika ā-AT HOP

Te mahi 1 – Whakapā mai ki

Te pokapū waea o Auckland Transport mā te 09 366 6400, ā, tonoa ngā taipitopito ā-kirimana e pā ana ki tētahi pūtahi ā-hauā e tika ana, e tautoko ana i te kaupapa.

Te mahi 2 – Whakapā atu ki tētahi Pūtahi Aromatawai

Me aromatawai koe e tētahi o ngā Pūtahi e patui nei ki a AT. Kei a koe te tikanga o tāu e whiriwhiri ai. Ka kitea i te hononga ipurangi te rārangi tōtōpū o ngā pūtahi me ō rātou taipitopito >ā-kirimana.


Ngā kaitono mūhore

Mehemea kua mūhore tō tono, e āhei ana te kawe i tō tohe ki a Auckland Transport, ki tētahi tokotoru whakatau hei arotake i tō tono.


Te whakahou i te kāri Panuku Mārika

Kua whakakorehia te tukanga whakahou o ia rua tau e pā ana ki te Kaupapa o Panuku Mārika i te rohe o Tāmaki Makaurau. Kia aromatawaitia koe, kua āhei tō whai wāhi atu ki te Kaupapa o Panuku Mārika tae noa ki te wā kua ea ō hiahia.

Kua kore koe e mate ki te whakapā atu ki tētahi pūtahi kia aromatawaitia koe i ia rua tau. Nāu tonu tō kāri Panuku Mārika, ā, ka whai mana tonu tae noa ki te wā ka rerekē ngā āhuatanga panuku mōu.

Mehemea he rā aukati kei tō kāri Panuku Mārika, ehara i te mea me whakakapi ki kāri kē. Kua kore ngā kāri Panuku Mārika ā-AT HOP hou e tukuna me ngā rā aukati.


Te whakakapinga o te kāri Panuku Mārika ā-AT HOP

Tirohia ngā mahi māu mehemea ka ngaro, ka tāhaetia rānei tō kāri Panuku Mārika ā-AT HOP.


Te whakawhiti ki rohe kē

Mehemea kua hūnuku koe ki Tāmaki Makaurau, ā, kua whai wāhi koe ki te kaupapa o Panuku Mārika i rohe kē, māu e whai kia whakawhitihia ō taipitopito kia whai wāhi koe ki te kaupapa o Panuku Mārika i raro i a Auckland Transport.

Mehemea ka hūnuku koe ki waho o te whaitua o Te Kaunihera o Tāmaki Makaurau ki rohe kē, e āhei ana tō tono kia whakawhitihia ō taipitopito ki te kaunihera o te rohe e haere nā koe. Kia mahara, kua kore koe e āhei atu ki te kaupapa o Panuku Mārika i raro i a Auckland Transport.

E whakawhitihia ai ō taipitopito, māu e whakapā atu te pokapū waea o Auckland Transport (09 366 6400), māu rānei e >īmēra tō mātou rōpū mō Panuku MārikaN/span>.

Mehemea kei te toro noa mai koe ki Tāmaki Makaurau, ki rohe kē rānei, tirohia he pārongo atu anō i tā mātou >Aratohu mō te hāereere ā-Panuku Mārika.


Te Tauākī Matatapu

He mea nui ki a mātou ngā kōrero matatapu mōu; ka kohia, ka puritia, ka whakamahia hoki ngā pārongo ka tukuna mai ki AT mā te tukanga tono i runga i tā mātou >Kaupapa Here mō te Matatapu o ngā Kirihoko.