Te kaupapa o Panuku Marika Te kaupapa o Panuku Marika
He aha te kaupapa o Panuku Mārika
Ko te kaupapa o Panuku Mārika tētahi kaupapa ā-motu e tautoko nei i te tangata, kāore nei e taea e ia te haere mā ngā waka tūmatanui, ahakoa te wā, i ētahi wā rānei.
I Tāmaki Makaurau, ka wātea ki ērā e tika ana tētahi utu kua whakahekea (e 50% te hekenga i te utu taketake, ko te $40 te whakahekenga nui katoa ka taea i ia haerenga) mō ngā tekehī whai kirimana hei waka kawe i te tangata i tōna taunga o te wā, ki tōna taunga e haere nei ia, ā, ka utaina ki tētahi kāri Panuku Mārika ā-AT HOP te āheinga ki te hekenga o te utu ka whakamahia rā hei whakaea i te utu kua whakahekea mō te hāereere mā runga waka tūmatanui.
E whai pārongo ai mō te hāereere i waho o Tāmaki Makaurau, mā ngā manuhiri rānei ki Tāmaki Makaurau e whai nei i te kaupapa, tirohia tā mātou hononga mō ngā aratohu mō te hāereere ā-Panuku Mārika.
Ko wai e āhei ana ki te kaupapa o Panuku Mārika
Te tangata e noho ana, e utu reiti ana rānei ki te Rohe o Tāmaki Makaurau, ki te whaitua rānei o Te Kaunihera o Tāmaki Makaurau, ā, he takarepatanga ōu e aukati ana i tō whai i tētahi, i ētahi rānei, i te katoa rānei o ēnei āhuatanga o te haerenga:
- Te tae atu ki tētahi tūnga mō te waka tūmatanui.
- Te piki ki te pahi rānei, ki te tereina rānei, ki te waka kōpiko rānei.
- Te haumaru, te tītina hoki o te haere mā runga waka.
- Te makere i te pahi rānei, i te tereina rānei, i te waka kōpiko rānei.
- Te tae atu ki te taunga whakamutunga e whai nei koe.
Tērā pea, kua āhei tō whai wāhi atu ki te kaupapa o Panuku Mārika. Mō te āheinga o te whai wāhi a te tamaiti, tirohia ā mātou aratohu mō te hāereere ā-Panuku Mārika.
Te Kaupapa Here ā-Pūtea mō ngā Waka mō ngā Tūru Wīra
Related content
How to get a Total Mobility AT HOP card
Te huarahi tono i tētahi Kāri Panuku Mārika ā-AT HOP
Total Mobility taxi operators & fares
Guidelines for Total Mobility travel
Using your Total Mobility AT HOP card to travel
Total Mobility conditions of use
Lost or stolen Total Mobility AT HOP card